TK TERNEN

Tollkryssaren «Ternen» anno 1951 er ein veteranbåt som er ein del av vår norske kystkultur. Han er verna av Riksantikvaren og er ein del av båtane som skal takast vare på for komande generasjonar.

Han vart bygd for tollvesenet i Bergen og var trufast tenar der til 1979. Båten kom til Tysnes i 2023 og ligg ved handelsplassen E.H. Vaage. Saman med Riksantikvaren vil han bli restaurert slik han var ny.

Motoren som er i båten no, er ein 100 hestars 6-sylindra Ford-Sabb som er snart 50 år gammal og bygd i Bergen. Ternen er bygd i eik, med furudekk og overbygg i mahogny.

Vi skal bruke han til å ta gjester med og oppleve perlene rundt oss – gamle handelsstader, båtbyggeri, kongens gamle feriestad, fisketurar og vakre sund og viker. Det blir ein magisk dag med litt godt å ete og drikke.

Vi gler oss til å skape magiske kystopplevingar med T/K Ternen.