Bryllup & selskap

Haaheim Gaard skapar romantiske rammer for bryllup og flotte rammer for runde dagar, jubile og andre selskap. I den store rosehagen kan ein rusle på hagestiar, mellom fleire hundre roser og rododendron, og tende lykter i frukthagen.

Mottaking med champagne kan serverast i hagen eller på ein av terrassane. I hagen finn ein og eit lite kapell og eit lysthus. Kanskje song til brudeparet eller jubilanten her kan passe før ein går til bords?

Restauranten har historisk stil og me dekker på borda med damaskdukar og tøyserviettar, og med kandelabrar og blomar frå hagen i sesongen. Historisk stil er det òg på romma på Haaheim.

Her kan du bade i løvebadekar med urter eller roseblader, nye utsikten over hagen og mot skjærgarden, og vakne opp til lukta av nysteikt brød frå steinovnen.

Kvart selskap vert sydd saman med gjestene. Menyane planlegg me òg saman, basert på tilgjengelege lokale og kortreiste råvarer. Vel mellom 3, 5 eller 7 retters meny, med vin frå vinkjellaren, Haaheims eige øl eller eplemost frå Hardanger.